Láruland

Að vera eða vera ekki...

2009-03-17T22:51:00.002Z

...dauður bloggari?

Heklað hálsmen...jólagjöfin í ár?

2008-11-04T23:31:00.000Z

Þetta gamla fólk nú til dags!

2008-05-03T14:00:00.000Z

2008-04-28T17:52:00.000Z

Jibbíkóla!

Jahá það er orð dagsins!

2008-04-23T11:32:00.002Z

Andlausir dagar.
Hvernig er hægt að sitja og anda en vera samt algjörlega andlaus.
Maður spyr sig.

Kannski jógaöndun sé málið.
Andabrauð eða Andrés Önd?
Er andi í glasinu?
Á hvern ertu að anda?

Öndunarörðugleikar andanna í Andabæ.

Ég ætti kannski að panta mér tíma einhvers staðar.

2008-04-06T14:24:00.004Z

Maðurinn er svo óskaplega lítill...

...þegar maður horfir á hann úr fjarlægð ganga eftir ströndinni með víðfermt hafið í baksýn.

Úr sömu fjarlægð krem ég byggingakrana milli fingranna á mér.

Ég er stór - allt fyrir utan gluggann er lítið.
Sjálfhverfa mannsins í hnotskurn.

Ég vek athygli lesenda á útgáfu ljóðabókar minnar "Maðurinn í hnotskurn"
Höfundur les upp úr verkum sínum í Máli og Menningu á sunnudaginn kemur kl.20
Allir velkomnir.

Mohohoho sjötti apríl :) !!!!!

Þetta er ÓTRÚLEGT!

2008-04-04T14:30:00.002Z

Þegar maður horfir á þetta veltir maður því fyrir sér hvort dýrin hljóti ekki að vera alveg sömu vitsmunaverur og mennirnir....tala bara annað tungumál.

Kannski ég hætti að drepa flugur...

2008-04-01T11:17:00.000Z

TOFU vekur mikla gleði í dag

Svona er Ísland lítið land....

2008-03-29T11:29:00.002Z

Í gær hringdi ég í skattinn til að fá útskýringar varðandi skattaskýrsluna eins og gengur og gerist. Það var nú ekki í frásögu færandi svo sem - nema bara hvað - í þetta sinn fæ ég samband við mann sem í rólegheitunum hlustar á mig og svarar spurningum mínum. Það gengur þó ekki alveg að leysa úr málinu og það endar með að hann fer sjálfur inn í skýrsluna mína á vefnum til að reyna að finna út úr hlutunum. - Í sjálfu sér er þetta góða viðmót eitt og sér í frásögu færandi miðað við sum önnur símtöl sem ég hef átt við skattinn í gegnum tíðina - EN það var nú ekki það sem ég ætlaði að segja ykkur frá HELDUR það að þegar maðurinn sá hinn sami sér skýrsluna mína segir hann "Já átt þú Hverfisgötuna?" Já, segi ég. Haldiði þá að komi ekki bara í ljós að þessi ókunni maður sem var að hjálpa mér við að telja fram til skatts í gegnum símann hafi búið í íbúðinni minni, fimmtu hæð til vinstri, áður en ég fæddist! Haldiði ekki bara að afi hans og amma hafi byggt húsið og hann sofið undir súðinni í eldhúsinu mínu með konunni sinni til nokkurra ára á meðan ég var ekki einu sinni komin í hönnun. Þetta fannst okkur nú skemmtileg tilviljun og fékk ég að heyra nokkrar góðar sögur af húsinu og hvernig það hafi reynst að sofa undir súðinni góðu. Hann bað að heilsa góðu öndunum í húsinu. Og ég skilaði því.

2008-03-27T09:48:00.003Z

Kaffi kaffi kaffi

Kaffi bjargar deginum.

Hvernig stendur á því að manni er alltaf kallt á morgnana? Alveg fram eftir öllu bara. Þá er gott að fá kaffi í kroppinn. Kaffi í kroppinn.

Kaffi kaffi kaffi.

List dagsins

2008-03-12T16:23:00.002Z

List dagsins er málaralist Gustavs Klimt. Um hann má fræðast á wikipedia og einnig á sérlega skemmtilegri síðu sem heitir iKlimt.

Listunnendur eru hvattir til að líta á verk Klimts enda undurfögur - viðkvæmar sálir ættu þó að varast klámfengnar teikningar hans.

Ég heillaðist af mynd Klimts, Kossinum, þegar ég var á ferð í Vínarborg í fyrra og festi kaup á eftirprentun af því. Plakatið bíður þó enn innrömmunar og upphengingar vegna framtaksleysis míns. Fyrir skömmu viltist ég inn í búðina Hitt hornið - ef ég man nafnið rétt - sem er á horni Laugarvegs og Snorrabrautar, lítil og skrítin búð með furðulegri samsetningu plakata, ramma, ullarvara og jólaskrauts á tilboði. Þar fann ég nokkrar myndir eftir Klimt ýmist á póstkortum eða plakötum og mundi þá eftir óinnrömmuðu myndinni minni og aðdáun minni á list Gustavs Klimt. Svo nú deili ég henni með ykkur lesendur góðir. Myndin hér til hliðar heitir Judith og höfuð Holofernes - ekki veit ég nú hver þessi Holofernes er en Judith er tignarleg.

Næst þegar þið komið í heimsókn fáið þið ef til vill að berja Kossinn augum í stofunni hjá mér.

Hver veit.

Fantasía konu sem lifir einföldu lífi

2008-03-04T13:16:00.004Z

Það er ekki eðlilegt hvað ég fantasera mikið um að prjóna...

...svona miðað við hvað ég prjóna í rauninni lítið og kann svo sem ekkert mikið meira en þetta gamla góða - slétt og brugðið.

Þegar ég verð stór ætla ég að verða heimsins besta prjónakona!

Skemmtileg hugleiðing um lokaritgerðir

2008-02-29T14:57:00.005Z

Ég var að uppgötva skemmtilega staðreynd um lokaritgerðasmíð mína.
Það er sama í hvaða kafla ég er að vinna þá stundina - mér finnst alltaf sá hinn sami kafli hljóta að vera mikilvægasti kaflinn í verkinu, alveg hreint undirstöðuatriði að þessi kafli sé góður, verkið í heild stendur og fellur með því að methodology kaflinn sé fullkominn, að intro kaflinn sé óaðfinnanlegur, að case kaflinn sé smart, að skilgreiningarnar séu vel úr garði gerðar og svo framvegis. Alltaf skal þessi eini kafli sem er fyrir sjónum mínum hverja stund vera sá allra allra mikilvægasti.

Niðurstaða A: Ég hlýt að vera að gera eitthvað voða voða mikilvægt á hverjum degi!

Niðurstaða B: Ég gæti mögulega verið með vott af fullkomnunaráráttu!

Niðurstaða C: Það er gaman að gera lokaritgerð! (ef þú trúir því nógu mikið þá er það satt! :)

Orð

2008-02-23T18:31:00.002Z

Dúddamía!
Það er ekkert endilegt
Ojjj en ógó
Þetta er nú ekki mjög dannað

Hér sjáið þið nokkur orð sem eru mér töm í daglegu tali. Ég hef hins vegar, í gegnum tíðina, fengið þær athugasemdir frá hinum og þessum aðilum sem vilja meina að þetta séu beinlínis ekki orð.

Það finnst mér frásinna.

2008-02-19T16:22:00.008Z

Mig langar til að prjóna þennan jakka næst. Já eða svona peysu
eða jafnvel svona pils. Möguleikarnir eru endalausir....endalausir....endalausir......endalausir möguleikar til að prjóna.

Best að halda áfram að læra.

Tónlist

2008-02-12T17:33:00.000Z

Þegar ég sit og læri finnst mér gott að hlusta á notalega og skemmtilega tónlist - tónlist sem er laus við þungan trommutakt og diskófjör - tónlist sem er í senn falleg, skemmtileg, flott og þægileg.

Nú er ég búin að hlusta á sömu lögin aðeins of oft og vantar nýja tónlist á ipodinn minn góða.

En það er erfitt að uppgötva nýja tónlist án þess að vera bent á hana.

Lumar þú á góðri tónlist?

Hver er uppháldstónlistarmaðurinn þinn?

Hver er uppáhalds-notalega-tónlistin þín?

Svör óskast!

Pönk

2008-02-06T13:57:00.000Z

Tékkið á þessu:

Pönklaga samkeppni Þjóðleikhússins og Rásar2

Ég kaus Vafasama Síðmótun og hlakka til að fá miða í verðlaun...vonandi!

Fýla - Bros - og vonandi aftur Fýla!

2008-01-22T12:27:00.001Z

Ég hefði getað GUBBAÐ - horfandi á sigurogsjálfsánægjuglottin á sjálfstæðisfólkinu í gær þegar nýr meirihluti í borginni var tilkynntur. Fýlusvipurinn á þeim hinum sömu fyrir ekki svo löngu var mér eitthvað svo í fersku minni að ég gat ómögulega samglaðst þeim og trúað að þau væru þarna einungis með hagsmuni borgarbúa í huga. Nei, það var valdagræðgi sem skein úr þessum andlitum.

2008-01-04T00:42:00.000Z

Núna eru jólin alveg að verða búin - eru eiginlega bara búin fyrst það er kominn hversdagur á ný - og Hlöðver fer að lalla sér inn í skúffu á ný.

Mér lærðist það fimm mínútur í kaffiboð á afmælisdaginn minn að svunta er ekki 100% seif vörn - bara 99,9% - eins gott að taka subbupilluna líka næst þegar þeyta á rjóma.

Bósi Ljósár þakkar samfylgdina á árinu sem er að líða og óskar ykkur öllum gleðilegs nýs árs - ársins 2008 - árið sem munað verður eftir!

Yfir og út

Bööhöööö...

2007-12-20T01:23:00.000Z

...nú er mér illt í hálsinum og hálfóglatt og er andvaka. Það er ekkert svo gaman.

Það var samt gaman í gær því þá átti Óli afmæli og við héldum virðulegt afmælisboð fyrir ömmur of afa og heldra fólk. Það er því búið að gera jólahreingerninguna á þessum bæ (fóru nú bara tveir dagar í að skúbba skítnum burt svei mér þá) - Í dag festum við svo kaup á dýrðarinnar litlu og dásamlegu jólatré. Ég vildi nú helst setja það upp og skreyta strax í dag en það fékk ekki mikinn hljómgrunn meðal annarra heimilismeðlima (Óla og Hlöðvers jólagríss). Ég bíð því bara spennt eftir að Þorláksmessa gangi í garð.

Forréttindi eða bögg - það er stóra spurningin!

2007-12-11T15:21:00.000Z

Að skrifa ritgerð er langt lærdómsferli.

Í dag finnst mér eins og ég sé búin að læra eitthvað.

Það er samt erfitt að segja nákvæmlega hvað það er.

Það eru forréttindi að fá að pæla í einhverju efni á áhugasviði manns í svo langan tíma.
(sagði námsráðgjafinn sem hélt fyrirlestur um lokaverkefnavinnu í skólanum mínum)

Ég er sammála henni.

Mér finnst það samt ekki alveg jafnmikil forréttindi að þurfa að skrifa allar þessar pælingar niður á blað í rökréttu samhengi og allt í réttri röð til að það verði auðlesið fyrir aðra sem gætu viljað pæla í því sama.

Það er eiginlega pínu bögg.

(p.s. ég er byrjuð að prjóna lopapeysu á Óla - jííííhaaaa)

Meiri snjó meiri snjó meiri snjó

2007-12-06T15:53:00.000Z

Loksins snjóar þannig að sjáist hvítt á jörð!!! Jibbí og húrrrraaa!!!
Þetta passar svo miklu betur við aðventuljósin og jólakonfektið heldur en rigning og rok!
Ég er búin að bíða eftir snjónum frá því um miðjan nóvember (um það leyti sem ég kveikti á aðventuljósinu í fysta sinn) svo það var alveg kominn tími á hann.

Nú eru konfekttegundirnar orðnar tvær og sú þriðja í bígerð. Mér hefur sannarlega tekist að búa til konfekt sem gæti hlotið titilinn "Ljótasta konfekt Íslandssögunnar" en ég held samt þetta sé eins og með fiskana...þeim mun ljótari sem þeir eru þeim mun betri á bragðið - og ég held mig fast við það.

Nú er líka loksins búið að klára að flísaleggja á baðinu hjá okkur svo það verður hægt að fara í jólabaðið hér á Hverfisgötunni - kominn tími á góða sturtu eftir tveggja mánaða úthald í sturtuleysi og iðnaðarmannadrullumalli. Nú fer að verða óhætt fyrir ykkur öll þarna úti að koma í heimsókn án þess að þurfa að hræðast það að sokkar verði skítugir og heimafólk illa lyktandi. Halelúja!

Hvað er í matinn?

2007-10-18T18:45:00.001Z

Hver kannast ekki við þessa eilífðarspurningu og þá raun sem það getur verið að leitast við að svara henni? aftur og aftur og aftur...

Hér er lausnin: Hvaðerímatinnpunkturis

Nú geta þreyttar húsmæður og hugmyndasnauðir húsfeður hætt að hafa alltaf bara hakk og spaghettí og fajitas til skiptis og hrísgrjónagraut til hátíðarbrigða því hvaðerímatinnpunkturis tekur af okkur ómakið. Þetta kallar maður þjónustu!

Vildi bara að það væri líka til svona: hvareriðnaðarmaðurinnpunkturis :)

Yfir og út

Þjóðarátak

2007-10-15T13:07:00.001Z

Jæja þá. Nú er kominn tími til að láta gamminn geysa um iðnaðarmenn. Ég legg til þjóðarátak um það að gefa öllum iðnaðarmönnum landsins SKIPULAGSBÓK að gjöf - helst með blikkandi ljósi, ílu og titrara sem gefa til kynna þegar þeir eru ekki að mæta á staðinn sem þeir höfðu lofað sér þann daginn.

Þeir sem vilja styrkja þetta málefni vinsamlegast leggið þúsund krónur inn á reikninginn minn!

Annars er þetta nú allt í lagi því ég - og annað fólk - hef nú ekkert annað mikilvægara að gera við tímann en að bíða spennt heima eftir iðnaðarmönnum sem hvorki láta sjá sig né í sér heyra. Að þurfa að bíða heima eftir iðnaðarmanni sem aldrei kemur er til dæmis ljómandi afsökun til að skrópa í vinnu dag eftir dag eftir dag með góðri samvisku. Ekki satt?

Og hvers vegna ætti maður að vilja fara út úr húsi í heilan dag þegar maður gæti mögulega átt von á því að iðnaðarmaður sjái sér ef til vill fært að mæta "einhvern tímann" þann daginn? Þá unir maður sér glaður við að sitja heima í rólegheitunum og njóta þess að fá ef til vill, mögulega, og ef lukkan er með manni, heimsókn þann daginn frá iðnaðarmanninum sem lofaði að koma í fyrradag.

Já, ég sé ekki aðra lausn en að styðja dyggilega við bak iðnaðarmanna landsins með veglegri gjöf sem gæti hjálpað þeim að muna hvert þeir ætla nú að fara og hvað þeir ætla að gera upp á hvern einasta dag - því það virðist vera landlægur og alvarlegur veikleiki þessarar, annars þörfu og hraustu stéttar, að skrifa ekkert hjá sér og gleyma.

Tökum nú höndum saman og styðjum strákana okkar!

Stundum þarf svo lítið til að gleðja mann :)

2007-09-10T12:13:00.001Z

Nokkrar skemmtilegar myndir frá Ítalíu-fríinu

2007-09-07T12:38:00.000Z

púha

2007-07-25T16:41:00.000Z

púha...það er ekkert grín að hafa titilinn "húseigandi" - allur dagurinn hefur farið í símtöl og samtöl við pípara, nágranna, fasteignasölu og fyrri eiganda - og fleiri en eitt og fleiri en tvö við flesta aðila. Nú er ég kominn með spenning í magann og skjálfta af öllu ruglinu. Málin þó líklegast eitthvað að leysast og allt í góðu - en tekur einbeitinguna frá öllu öðru á meðan. pÚhA

Sumarsæla

2007-07-16T15:34:00.000Z

Sumarbústaðasæla átti sér stað um helgina. Við Óli lögðum af stað í Skorradalinn hvort í sínum bíl...svona er nú bílaveldið á manni :) með sinn hvorn einkabílstjórann - á föstudaginn var. Veðrið lofaði góðu og fjögur(við óli og einkabílstjórarnir)lögðum við af stað í fjallgöngu á Skessuhornið ógurlega. Þúfur og ár voru sigraðar við mismikla gleði þó. Ég var ekki jafnglöð alla leiðina allavega - enda ekki mikil fjallageit þó að steingeit sé. Það var nú samt indælt að dröslast þetta í svona góðu veðri og kappið jókst eftir því sem ofar dró. Þegar grasið var við það að enda og möl og grjót að taka við fannst mér nú þó nóg komið og farið að hvessa heldur mikið og ákvað að snúa við við annan mann (aðra konu). Fræknir fjallagarparnir úr hinum bílnum héldu áfram inn í þokuna. Mér leist nú ekki á blikuna þegar þeir hringdu tveimur tímum seinna og sögðust þá vera á toppnum, á fjórum fótum í klettunum með þverhnípið fyrir neðan sig. Glaðir komu þeir svo heim sex tímum eftir að lagt var af stað - en þá höfðum við stelpurnar sturtað okkur, opnað vínflöskuna, útbúið matinn og beðið, nartað í kex og osta og beðið og beðið. Grillmaturinn var loks snæddur um miðja nótt. Södd og sæl fórum við í háttinn og sóluðum okkur það sem eftir lifði helgar. Nú er ég bara ein brunarúst - sæl og glöð eftir góða helgi og nýt þess að blogga um atburði helgarinnar í stað þess að lesa greinina um small firm internationalisation - því það er svo gott að blogga á bókhlöðunni!

obbobbobbb

2007-07-12T10:46:00.000Z

Mikið óskaplega líður tíminn hratt. Maður skrifar að það sé að koma helgi og veit ekki af því fyrr en það er bara AFTUR að koma helgi! Og hvað varð manni úr verki síðan síðast? Tja það er nú góð spurning. Sumarið er tíminn. En hvert fór tíminn? Því sumarið er hálfnað - svo gott sem. Ekki það að margt skemmtilegt hefur drifið á daga mína það sem af er liðið sumri, kaffiboð og afmæli og matarboð og sólarhangs og sundlaugagrín og leikhúsferð og ég veit ekki hvað og hvað...og ritgerðaskrif...ha? bíddu ritgerð?

obbobbobbb

2007-07-05T16:50:00.001Z

Það er að koma helgi!

Skemmtilegt

2007-07-03T14:06:00.000Z

Nýr lífsstíll?

2007-07-01T01:50:00.001Z

Kaffiofgnótt á laugardagsmorgnum í stað skemmtanaofgnóttar á föstudagsnóttum....

Í stað þess að fara út í öl í gærkvöldi, sem var föstudagskvöld, ákváðum við hjúin að fara snemma að sofa og vakna snemma í morgun, á laugardagsmorgni, svona til að prófa líf morgunhananna einu sinni. Það tókst með ágætum að vakna um níu leytið - vorum svo komin út á Laugaveg um klukkan tíu. Tveir kaffibollar á fastandi maga úti í Mallorkaveðri, sitjandi fyrir utan tíu dropa, hlustandi á dönsku gamalmennin og amerísku gamalmennin og sitt hvað fleira sem fyrir eyrum varð í túristaparadísinni Reykjavík. Einu sinni talaði maður um að það væri ekki þverfótandi fyrir Íslendingum á Strikinu - nú er ekki þverfótandi fyrir dönum á Laugaveginum! Svona breytist nú sitt hvað með tímanum. Jæja, því næst var förinni heitið í Skífuna að hlusta á vel valda nýja íslenska tónlist. Þar hrifumst við einna helst af B.Sig og Fnyki og ákváðum að styrkja þessa listamenn í stað þess að ræna þeim á netinu...góðverk dagsins myndi ég segja. Röltum því næst niður á Austurvöll, sóluðum okkur meira og drukkum meira kaffi - ennþá á fastandi maga - úr því varð góður magaverkur - þó betra að vera með kaffimagaverk en áfengisælupest (góður punktur!) Sátum í þónokkurn tíma í sólinni, skoðuðum mannlífið og nutum. Skoðuðum svo Austurríkið og dýrðirnar þar og röltum í rólegheitum heim á leið með viðkomu í bakaríinu. Smurðum nestiskörfu og fórum í pikknikk í nýja garðinum hjá Hannesi. Vorum þar í allnokkurn tíma áður en leiðin lá heim á ný............og þá var klukkan rétt rúmlega tvö - kannski hálfþrjú!!!! ...og allur dagurinn eftir bara!!! Vóóóóó!!!!! HA??? Já, svona getur verið ágætt að vera morgunhani um helgar.

Eftir þetta erum við búin að setja saman Ikea dót, taka upp úr kössum og gera fínt hérna heima, fá þrjár heimsóknir - sem ekki sköruðust - elda dýrindis mat og auk þess heklaði ég sex dúllur (bara 37 eftir núna) og kláraði að prjóna bolinn sem ég byrjaði á fyrir tveimur árum. Morgunstund gefur líklegast bara gull í mund eftir allt saman.

Nú er bara spurningin hvort þessi nýjung sé komin til að vera...

2007-06-20T15:58:00.001Z

Í dag fór ég á bókhlöðuna

Það var gaman

MUNA...

2007-06-19T23:49:00.000Z

....ekki velja mér innanhússmálun sem ævistarf

....hekla dúllur eins og vindurinn

-

Lufsa

2007-06-14T16:11:00.001Z

Í dag tók ég til í gamla fataskápnum mínum heima hjá mömmu og pabba. Setti í poka það sem ég er löngu hætt að nota og ætla að gefa í rauða krossinn og svo í annan poka það sem er orðið svo gamalt og ljótt og blettótt að það má bara fara í tunnuna. Samt er heilmikið eftir sem ekki fékk að verma neinn poka. Föt sem eru heil og fín og ég notaði fullt í gamla daga - föt sem jafnvel má lífga við á ný, kannski klippa neðan af eða bara skella sér í á góðum nostalgíudegi. Svo fann ég líka þennan fína kjól sem ég var bara alveg búin að gleyma að ég ætti. Svo þegar Óli segir næst: hvað, er þetta eitthvað nýtt? Þá get ég bara með góðri samvisku sagt: Þessi gamla lufsa!

2007-05-30T16:39:00.001Z

Heyrst hefur að skrif mín hér þyki nokkuð súr á köflum og lítið upplýsandi. Því vil ég fræða fólk um það að ég er flutt til Íslands og bý nú með ástarmaka mínum á Hverfisgötunni í hinni nýju og litríku íbúð. Þar hyggst ég verja næstu mánuðum í lokaverkefnavinnu sem er ennþá á frumstigi. Málningar og litavinnunni er þó ekki lokið enn og margt af fallegum hlutum verma ennþá kassa í stofunni. Það er samt gott að eiga nýtt heima sem er meira að segja heima heima (nú á ég bara eitt heima en ekki þrjú sem er mikill léttir - tja kannski eitt og hálft).

Þá vitið þið það.

Litablogg

2007-05-29T14:33:00.000Z

Gulur og hvítur og fjólublár og blár og málarahvítur - þetta eru allt fallegir litir í heimilislitrófinu á Hverfisgötunni. Litirnir sem gefa lífi mínu lit er ég sit og les og reyni að finna út úr því hvað í ósköpunum ég geti nú skrifað heila mastersritgerð um. Ekki skemma fyrir sterkfagurbleiku rúmfötin nýju sem gæða litrófið ákveðinni dýpt og gleðja augun þegar tekin er hvíld frá amstrinu. Bleiki liturinn harmónerar líka vel við dauffjólubláa gluggavegginn í svefnherberginu.

Lifum lífinu í lit.

Flutningsundirbúningur hafinn

2007-04-03T17:26:00.000Z

Þá er komið að því. Flutningsundirbúningur er formlega hafinn. Í dag kom ég 20 flyttekössum í hús. Sagði sölumanninum hátíðlega að ég ætlaði að fá 20 kassa, spurði svo hvort hann héldi að ég gæti borið þá alla sjálf. Hann svaraði - hvis du er motiveret - Það vantaði ekki mótivasjónina en ég ákvað þó að fara tvær ferðir. Það var meira en að segja það að halda á þessum ferlíkum heim. Ég prófaði að hafa þá á höfðinu og hvaðeina, var fegin hjálpinni þegar ég fékk Steinunni nágranna með mér til að sækja seinni posjónina. Nú er hins vega ekkert sem hamlar því að fara að setja ofaní kassa. Hvað á að fara með? Hvað á að verða eftir? Reyni að grisja ruslið frá gersemunum. En þetta er allt svo ómissandi...eldhúsborðið sem fannst í ruslinu en er svo design, rúmið sem er yndislega stórt, allar bækurnar sem ég náði ekki alveg að klára í skólanum en hef mjög fögur fyrirheit um að gera góð skil í frístundum í framtíðinni.

-Tilgangur lífsins-

2007-03-24T19:36:00.000Z

Tilgangur lífsins? Hvernig get ég verið ein inn í mér, ein inni í hausnum á mér. Og enginn annar kemst þangað – hversu mikið sem ég vildi leyfa það. Hvernig getur annað fólk verið með samskonar sjálf og ég – án þess að ég muni nokkurn tímann fá að skyggnast inn í hausinn á því. Hvað er ég? Hvað verður um sjálfið mitt þegar ég dey? Verður sjálfið mitt einn stór og ruglingslegur draumur? Af hverju geri ég allt sem ég geri? Af hverju finnst mér mikilvægt að ganga í skóla? Til að geta lifað betra lífi – seinna? Hvað með núið? Hvenær kemur seinna-ið? Það kemur aldrei. Ég lifi alltaf í núinu. Ég hlýt að ganga í skóla til að njóta núsins – til að njóta þess sem það gefur mér að læra. Af hverju ætti ég annars að hafa fyrir því? Ég hlýt að sækja um vinnu til að njóta þess á hverjum degi að gera eitthvað sem ég veit að ég geri vel – eitthvað sem gefur mér lífsgildi – á meðan á því stendur. Af hverju ætti ég annars að gera það – til að ég verði hamingjusamari seinna? Tilgangur lífsins hlýtur einfaldlega að vera að lifa í núinu - að njóta þess sem gerist núna – því seinna-ið kemur aldrei.

Ætli maður viti að maður hefur verið of lengi að læra einn á bókasafninu þegar svona hugsanir leita á mann á laugardagskvöldi?

Viðskiptahornið

2007-02-10T14:35:00.000Z

Ég rakst á alveg ótrúlega áhugavert blogg í gærkvöldi, ætlaði varla að geta slitið mig frá því til að fara að sofa þó klukkan væri að ganga tvö og skóli klukkan 8. Deili því hér með með ykkur sem hafið áhuga á að fræðast um viðskiptamódel, hugleiðingar um stjórnun, stefnumótun, nýsköpun og álíka nördaskap http://business-model-design.blogspot.com/. Höfundurinn er ráðgjafi á á sviði stjórnunar og stefnumótunar og deilir með lesendum hugleiðingum sínum og áhugaefnum. Setur fræðin í skemmtilegan og auðlesanlegan búning. Hver hefur ekki gaman að þessu? Maður spyr sig...

Tek sjálfa mig á sálfræðinni...

2007-02-09T20:16:00.000Z

Jæja, nú nenni ég ekki þessari sjálfsvorkunn lengur. Nú er um að gera að bretta hendur fram úr ermum, kafa lengst upp að öxlum, klípa í löngutöng og bókstaflega þvinga hendina út úr fjárans erminni. Já og HANANÚ. Er það ekki bara á gætt plan! Ætli það fáist útúrermihandaþvingari í Silvan eða Húsasmiðjunni kannski? Það væri nú vert að athuga það - kannski ég gæti orðið rík á þessari hugmynd. Það er nefnilega einmanalegt og erfitt verkefni að koma sér af stað í lokaverkefnavinnu. Mikil áskorun skal ég segja ykkur. Þess vegna hef ég ákveðið, bara akkúrat í dag, að ég ætli að (reyna að) HÆTTA að horfa skelfingaraugum á komandi mánuði. Þess í stað mun jákvæðni ríkja í sál minni og huga og hjarta og gleði og hamingja og eftirvænting fær að koma í stað hræðslu og hryllings. Já GLEÐI og EFTIRVÆNTING!!!!!!!! Það er SPENNANDI og GAMAN að FÁ að vinna lokaverkefni, fá að einbeita sér að ákveðnu verkefni í langan langan tíma og sökkva sér ofan í það og bara það og ekkert annað. Það er GAMAN! Ég er GLÖÐ og SPENNT og MÓTIVERUÐ og það er GAMAN!

Þeir sem verða varir við önnur viðhorf í fari mínu á næstu mánuðum mega gjarnan minna mig á þetta blogg.

2007-02-07T16:39:00.000Z

Ein ég sit og sauma....

AAAaaaaaaaalein.

Vorkennið mér núna.

Takk.

Strákarnir MÍNIR

2007-01-30T23:43:00.000Z

Ó Ó Ó vÓÓÓÓ
Hvílík spenna! Hvílíkur ÆSINGUR! Stelpurnar voru að fara á límingunni og þar með talin ég! Vóóóóóóóó.... og Alfreð Gísla maður! Hvílíkt hönk með hendurnar upp í loft og tunguna frammi í gómi! Við vorum alveg að vinna þetta maður! Ég og Robbi og Óli Stef.... við vorum að taka þetta! Sáuð þið snúningsmarkið hjá Robba í fyrri hálfleik? Ég kennd´onum´etta. Geðveikur leikur, geðveik spenna. Mér gæti bara ekki verið meira sama hvort við komumst í fimmta sætið eða ekki núna, ekki á þessari stundu. Ó mæ gooooooood skilurðu.

Stelpuhandboltakvöld þar sem höndum var klappað og fótum stappað. Svo ótt og títt að nágranninn á neðri sá sig tilneyddan til að nota kústinn til að banka upp í okkur á móti. Vóóó maður. Strákarnir OKKAR stóðu sig vel. Gæti vart verið stoltari af þeim. Glitruðu tár á hvörmum í stofunni er við hlustuðum á rúv eftir útsendingu og heyrðum í þeim vonsviknum og brotnum. Og Ulrich tapar sko geðveikt í hver-er-sætasti-þjálfarinn-keppninni!!!!!!!! Já púúúú.

Áfram Pólland!

Bíó

2007-01-29T02:19:00.001Z

Hafið þið einhvern tímann lent í því að það standi enginn upp eftir að myndin í bíó er búin fyrr en löngu eftir að skroll-listinn er búinn og tónlistin og allt slökkt, af því að allir sem voru að horfa á myndina eru svo uppteknir af að ræða plottið í henni og velta fyrir sér hvað hafi í raun og veru gerst að þeir bara beinlínis gleyma því að fara úr bíóinu? Ég lenti í því í kvöld. Magnað.

Og fyrir valinu varð......daddaradddarææææ.....

2007-01-17T23:52:00.000Z

We come from the land of the ice and snow, From the midnight sun where the hot springs blow.

Ohhh baby please take me hoooooooome.....

Já lesendur góðir - rokk og ról - we are on our way to ICELAND

Ísland ó Ísland, landið sem hefur okkur alið
og er okkur í hjarta falið
þar hafa tær okkar kalið.

Yfir og út

Ó mæ god Ó mæ god

2007-01-11T01:22:00.000Z

Ísland eða Danmörk - það er stóra spurningin!

Hvað finnst þér?

p.s. gleðilegt ár Hilla!

2006-12-24T02:52:00.000Z

Gleðileg jól allir saman...

2006-11-22T23:13:00.000Z

Í kvöld var kveikt á jólaljósunum í Búdó. Á morgun fer ég til Óla.

Argggg

2006-11-20T21:40:00.000Z

Djísús kræst maður hvað ég er að krebera á rational choice kúrsinum mínum. Er að fara í próf á morgun og er búin að eyða heilli helgi í að reyna að fá mig til að læra. Verstu afköst og mesta tímaeyðsla ever.....alveg þokkalega ekki rational choice að nota tímann í þetta!!!

Þurfti bara aðeins að fá að rasa út....

Ferðaárið 2006

2006-11-20T17:05:00.000Z

Fyrir löngu síðan sagði Óli þessi spöku orð: "Ég hef það á tilfinningunni að þetta verði mikið ferðaár" Og gott ef hann hafði ekki rétt fyrir sér.

Að baki liggur Jótlandsferð (sem er eiginlega útland því þeir tala svo illskiljanlega þarna á Jótlandi), Íslandsferð, Californíuferð, önnur Íslandsferð og flug heim til Danmerkur, Búdapestferð, helgarferð til Köben, Ólaferð til Búdó og ferðalag til Eger. Á fimmtudaginn ætla ég að fljúga til Köben á ný og vera í sex daga, þá förum við Óli saman til Búdó og nokkrum dögum seinna til Vínar. Ég flýg svo til Köben þann 17.des og til Íslands daginn eftir. Margir tímar að baki í flugvélum og bílum og margar góðar minningar í pokahorninu, enn fleiri flugtímar framundan og gleðilegir endurfundir.

Kannski Óli ætti að sækja um hjá Vikunni eða DV að vera Völvan í ár...

2006-11-15T14:06:00.000Z

vóóóó ég er svo kreisssí og spontant....

2006-10-23T16:07:00.000Z

allt ad gerast

2006-10-23T16:04:00.000Z

motmaelendur

2006-10-23T16:00:00.000Z

oeirdaloggan uppstillt med trukk in fararbroddi sem sidar sprautadi gasi og vatni a lydinn

2006-10-23T15:57:00.000Z

riot loggan dreifdi mannfjoldanum med taragasi, vatni og gummibyssuskotum

2006-10-23T15:55:00.000Z

tessi var einmana eftir atokin - var parkerad a milli loggu og motmaelenda

Það er allt að verða vitlaust hérna

2006-10-23T15:34:00.000Z

Í dag er haldið upp á 50 ára byltingarafmæli hér í Búdapest. 1956 er ártal sem allir muna, þegar Ungverjar risu upp á móti sovéska risanum og kröfðust þess að Sovéskir hermenn yfirgæfu landið. Það má lesa meira um byltinguna á BBC vefnum.

Aftur á móti, vegna atburða síðastliðinna vikna eru friðsamleg hátíðahöld að breytast í hörðustu mótmæli seinni ára. Lára Kristín Skúladóttir er á staðnum og talar frá Búdapest þar sem óeirðir eiga sér stað fyrir utan gluggann. (Mamma, þetta verður allt í lagi!)

Klukkan fjögur í nótt þegar ég var rétt svo hálfnuð við lestur masterpíssins hans Óla míns, sem hann bæ ðe vei skilaði inn í dag og er þess vegna orðinn fullvaxta maður, varð ég fyrst vör við læti og lúðrablástur. Skrúðganga mótmælenda strollaði upp götuna, fjórum hæðum fyrir neðan gluggann minn. Hópur óeirðalögrelumanna gekk í humátt á eftir og fylgdist með því að hópurinn hegðaði sér skikkanlega.

Um miðjan daginn í dag mátti svo aftur sjá stóran hóp fólks koma kallandi slagorð, með fána og lúðra frá vinstri hlið þegar horft er út um gluggann í stofunni. Frá hægri hlið í fjarska mátti sjá stóran hóp óeirðarlögreglu með trukk í fararbroddi. Hóparnir tveir mættust rétt fyrir utan hjá gluggann minn. Þegar hóparnir nálguðust hvorn annan var rútu ekið þvert á milli hópanna. Mótmælendur veitust að rútunni, hrópuðu og kölluðu og sjá mátti marga unga herramennina vel tilbúna í tuskið með lambúshettur og klúta utan um vitin. Það kom sér líklega vel þegar byrjað var að kasta táragassprengjum í átt að mótmælendunum. Stuttu síðar var vatni sprautað á lýðinn og gúmmískotum skotið. Mótmælendurnir hörfuðu fljótt svo sem og gatan orðin auð en síðan hafa hljómað sírenuvæl og hvellir og rútur fullar af lögreglumönnum hafa þotið fram hjá. Einnig mátti sjá hóp af hestalögreglumönnum fara fram hjá áðan. Rútan stendur enn á miðri götunni.

Það súra við þetta allt saman er að rétt í þessu sá ég svo glitta í smá flugeldasýningu sem er haldin hjá þinghúsinu og klukkan 19.56, eða eftir rúman klukkutíma er skipulagt að þjóðin sameinist í "The Minute of Freedom" - einnar mínútu þögn til að minnast byltingarinnar og byltingarhetjanna. Spurning hvort löggan og mótmælendurnir sameinist í smá breiki svona milli tarna?

Erfitt er að greina á milli skrúðgangna og hátíðarhalda í tilefni byltingarafmælisins og mótmælagangnanna segir á BBC - Lesa má um atburði dagsins hér.

Annars er ég nú bara hress. Held ég haldi mig bara heima í kvöld. Hlakka til að fá Óla til mín ekki á morgun heldur hinn og reyni að vera dugleg að læra þangað til. Læt nokkrar myndir fylgja með í tilefni dagsins.

Over and out.

(Og mamma, í alvöru, það er allt í lagi með mig og ég lofa að vera ekkert á flækingi!)

Sunnudagur

2006-10-08T22:14:00.000Z

Í dag er mikill sunnudagur. Ég er búin að læra og fara í bíó. Verður ekki meiri sunnudagur. Datt í hug að spæsa upp daginn með einni skemmtilegri mynd.

Líf og fjör í landi sírenuvæls

2006-10-07T22:47:00.000Z

Já hér er líf og fjör. Hér er sírenuvæl og hér er frægur forsætisráðherra og hér er skóli og hér er.... æ andstreymið og innblásturinn ekki upp á sitt besta í kvöld. Ég er þó búin að afreka það að elda mat og bjóða tveimur vinkonum úr skólanum í heimsókn og eiga notalega kvöldstund. Ég fór líka í helgarferð til Köben um daginn. Það var mjög notalegt. Fékk innblástu þar fyrir næstu vikurnar í Búdó. Það er ennþá gott veður, sól og sumar en í gærkvöldi var samt orðið svolítið kalt þegar ég kom úr skólanum klukkan níu. Já, talandi um veðrir, sannur Íslendingur. En af hverju er Íslendingum kalt? Ættum við ekki að vera sterkust af okkur í kulda? Útlendingum finnst það allavega skrítið þegar ég kvarta og kveina yfir fyrstu haustmerkjunum. Samt fannst mér líka of heitt um daginn. Humm ætli maður geti alltaf kvartað yfir einhverju? Næsta heit mitt verður að hætta að kvarta.

2006-09-16T08:34:00.000Z

moskituflugur bunar ad eta mig upp til agna. vonandi verda einhverjar leyfar fyrir ykkur hin. annars farid tid bara beint i desertinn

2006-09-12T17:22:00.000Z

Stofan

2006-09-12T17:19:00.000Z

Stofan

2006-09-12T17:09:00.001Z

gangurinn - segir sig sjalft kannski :)

2006-09-12T17:09:00.000Z

mitt einka badherbergi

2006-09-12T17:07:00.000Z

Herbergid mitt

2006-09-12T16:59:00.000Z

Koss til ykkar sem eigid hann skilid!

2006-09-12T16:56:00.000Z

Eldhusid

Í fréttum er þetta helst...

2006-09-12T16:29:00.000Z

Á föstudaginn var lauk kynningarvikunni í skólanum. Hún var mjög áhugaverð að mörgu leyti og upp úr standa þeir tveir dagar sem fóru í "team building" prógrammið. Í því fólust allar mögulegar æfingar til að fá fólk til að kynnast bekkjarfélögunum og til að taka á því hvernig við vinnum saman í hópum. Eftir að hafa farið á vínfestivalið á fimmtudagskvöldið var ég í rólegum fíling á föstudagskvölið, sat heima, hékk á netinu og spjallaði við sambýliskonur mínar tvær. Við erum búnar að gera íbúðina okkar nokkuð kósý bara - eftir nokkrar Ikea ferðir - svo þetta er bara allt hið ágætasta. Laugardagurinn var í rólegri kanntinum líka, við elduðum fyrstu heimagerðu kvöldmáltíðina og skelltum okkur svo að hitta nokkra bekkjarfélaga.

Í gær var fyrsti alvöru skóladagurinn. Ég mætti klukkan níu og fékk að sitja eins og sardína á svona samtengdum bekkjum með áföstum pínulitlum borðum. Kennarinn blaðraði mest um sjálfan sig og dýrðardagana þegar hann vann hjá ameríska fótboltafélaginu Lakers. Þess á milli lagði hann línurnar um það hvernig eigi að skrifa ferilskrá og sagði svo brandara inn á milli sem flestum virtist líka nema mér. Ég hef ákveðið að hætta í þessum kúrsi. Eftir hádegi tók svo við öllu áhugaverðara efni, hið alþjóðlega lagalega umhverfi . Þar vatt kennarinn sér beint að efninu og úr varð hinn ágætasti tími. Eftir skóla fór ég að kaupa penna og blöð og stílabækur og svona skóladót og afvegaleiddist til að skoða ýmislegt fleira í mollinu sem ekki var svo sem þörf á. En úr varð góður dúllerísdagur.

Í dag er ég búin að sitja heima og læra, fara út og kaupa mér mánaðarpassa í strætó og ensk-ungverska orðabók, kaupa í matinn og næst á dagskrá er að malla eitthvað úr því sem kom upp úr pokunum. Það er hægara sagt en gert að kaupa inn þegar allar innihaldslýsingar eru á ungversku svo það verður spennandi að sjá hver útkoman verður.

Þetta er Lára Kristín Skúladóttir sem talar frá útlandi.

2006-09-09T00:31:00.000Z

Kvoldverdur i bodi skolans annan daginn i kynningarvikunni. Allratjodakvikindi.

2006-09-09T00:30:00.000Z

Team building folst medal annars � ad mala mynd

2006-09-09T00:26:00.001Z

Mikil einbeiting og listr�n tjaning

2006-09-09T00:26:00.000Z

Meistaraverk hopsins mins.

2006-09-09T00:23:00.000Z

Partur af bekknum minum a vinfestivali i kastalanum.

Sagan af Stefáni

2006-09-04T22:50:00.000Z

Eftir þriggja daga dvöl í Búdapest sem að mestu hafði verið varið í íbúðaleit, skólastúss og rölt um bæinn, ákváðum við Óli að leggja leið okkar að kastalanum. Við tókum tramma yfir á Búda-síðuna og fundum fljótlega kláf sem tók okkur upp hæðina. Þegar upp var komið bjuggum við okkur undir að rölta um kastalasvæðið í rólegheitum þegar afar kátur karl vatt sér upp að okkur. Það fyrsta sem við sáum af honum var risastórt, rautt og flagnað nefið, ljósir úfnir lokkarnir og ennþá úfnara yfirvaraskeggið sem líktist helst gömlum og mikið notuðum kústi, síðara öðru megin. Við héldum í fyrstu að hér væri kominn glaðbeittur róni því lundin var svo létt og nefið svo rautt. Hann spurði okkur hvaðan við værum og hrópaði kátur: Reykjavík! til að sýna kunnáttu sína. Í ljós kom að hér var á ferð mikill menntamaður. Hann talaði í einni romsu með taktföstum hrynjanda, kynnti sig sem Alexay István og sagðist vera Ungverskur leiðsögumaður og bauð okkur þjónustu sína. Sagðist geta boðið okkur 45 mínútna túr um kastalasvæðið þar sem hann myndi segja okkur frá sögu staðarins og ekki síður segja frá öllum styttum og byggingum á ekki einungis fróðan heldur gamansaman hátt. Hann myndi auk þess svara öllum okkar spurningum af nákvæmni og heiðarleika og segja okkur frá stöðum borgarinnar sem einungis innfæddir gætu frætt okkur um. Þar að auki gætum við stoppað á leiðinni og gætt okkur á cappuchino ef svo lægi á okkur. Þetta var tilboð sem við gátum ekki hafnað. Við gengum af stað. Stefán lagði mikla áherslu á að finna góða staði til myndatöku og var mjög svo tilbúinn til að taka myndir af okkur við öll helstu monúment. Á hverju horni mátti finna tilefni til að taka nýja mynd – panorama view – með okkur skötuhjú í forgrunni að sjálfsögðu (Óla til mikillar ánægju enda mikið fyrir sviðsljósið). Góð lausn þótti okkur að fá Stefán sjálfan til að sitja fyrir á nokkrum myndum svona til að auka fjölbreytni myndasafnsins. Eftir margar gamansögur, leikræn tilþrif og fjöldann allan af myndum var komið að kaffistund. Stefán leiddi okkur inn um stórar dyr og sagði ákaft að hér væri að finna cappuchino. Við höfðum gengið fram hjá kaffihúsi á leið okkar og áttum von á einhverju svipuðu. Innan við dyrnar mátti finna gang með Nescafé sjálfsala. Hann mælti eindregið með choco cappuchino og sagði það vera alveg einstaka blöndu. Væri búinn að fá sér tvo bolla þá þegar þann daginn. Efir kaffið héldum við af stað á ný endurnærð, hlustuðum á frásögn karlsins um sögu þjóðarinnar, skildum oft á tíðum aðeins helming þess sem sagt var en höfðum þó gaman að. Að lokum komst vinur okkar að því að ætlun mín væri að dvelja fram að jólum í Búdapest. Við það dró hann upp blað og penna, skrifaði nafn og símanúmer ef vera kynni að ég vildi hitta hann á ný og sagði: Tell your friend you met a funny man with mustache!

Svo ef þú lesandi góður átt leið um Búdapest og langar til að eiga góða, gamansama og fræðandi stund með Stefáni þá færðu fúslega númerið!

Þetta var sagan af Stefáni.

2006-09-01T09:15:00.000Z

Ungverski vinur okkar Stefan, segi ykkur soguna af honum vid taekifaeri

2006-09-01T09:14:00.000Z

City Park og Oli

2006-09-01T09:13:00.000Z

Panoramaview fra kastalanum, Parlamentid i baksyn vinstra megin

2006-09-01T09:12:00.000Z

Ola dreymir um svona Trabant

2006-09-01T09:11:00.001Z

Komin i skolann

2006-09-01T09:11:00.000Z

Fyrstu dagarnir � Budapest

2006-08-23T09:27:00.000Z

4 dagar í Búdó. Og hvað þarf maður að gera til að vera tilbúinn? Kannski þvo þvott? Pakka? Senda bréf? Fá gjaldeyri? Finna passann? hummm eitthvað fleira?

Tímamót, kaflaskil, krossgötur...

2006-08-14T20:33:00.000Z

Þroskasaga ungrar stúlku heldur áfram. Nú eru aðeins tvær vikur í brottför til Búdapest. Nýtt land, nýr skóli, nýir vinir.

Þórunn flutti til Íslands, Margrét eignast barn, Lára fer til Búdapest, Óli verður á götunni, Bjössi verður fullorðinn og Einar trallar með. Að ég tali nú ekki um verðandi foreldra Kristínu og Guðjón sem eru bara líka á Íslandi endalaust. (Ingvi og Magga breytast ekki neitt svo þau eru ekki með í upptalningunni). Prjónó og smíðó í upplausn.

En lífið heldur áfram og mannfólkið upplifir nýja hluti, lærir meðan lifir og lifir af lærdóminn. Þess vegna ber að fagna tímamótum.

Þetta er speki dagsins.

dagurinn í dag

2006-08-09T22:51:00.000Z

í dag var ég að vinna í sweater market. það var bara allt í lagi. svo fór ég á wagamama. þar fékk ég miklu betri mat en hinir þrír. það var gaman ekki samt gaman fyrir þá sem fengu ekki góðan mat. svo fór ég að hjálpa þórunni og bjössa að pakka. það var ekkert svo gaman en samt svoldið gaman því ég fékk hvítvín. nú er íbúðin þeirra næstum því tóm. það er skrítið. á morgun ætla ég að halda kveðjupartí fyrir þórunni og bjössa. það verður gaman. en svo fer þórunn á hinn daginn. þá verður ekki gaman. vonandi verður það ekki ósamkvæmi.

p.s. karaflan komst í Ikea skúffurnar.

Sumarhiti

2006-07-27T22:49:00.000Z

Heitt heitt heitt,
ekki margir sem vilja kaupa lopapeysu í 30 stiga hita.
Sveitt sveitt sveitt
Vanti þig peysu láttu mig vita.

Já lífið í Sweatermarket er heitt þessa dagana. Hrein ull á tilboði en lítið um örtröð að útsöluborðinu. En þá er nú gott að skúra, skrúbba og bóna og auðvitað brjóta saman...

Mömmu til heiðurs!

2006-07-18T19:51:00.000Z

Hún á afmæli í dag,
hún á afmæli í dag,
hún á afmæææliii hún mamma sem er BESTA MAMMA Í HEIMI!
Hún á afmæli í daaaaag.

Húrra húrra húrra!

...og hér með færðu það skriflegt.

2006-07-02T19:54:00.000Z

2006-07-02T19:49:00.000Z

2006-07-02T19:45:00.000Z

2006-07-02T19:42:00.000Z

Ameríka

2006-07-02T01:18:00.000Z

jahérnahér, fólk farið að hafa áhyggjur af sloppahangsinu en óttist ei, Lára is back! Oh my gosh! Já búin að halda mig í Orange County síðustu vikuna og búin að pikka upp amerískuna alveg hægri vinstri. Hey dude! Búin að gæða mér á pönnukökum og beikoni í morgunmat og doghnuts í hádegismat og ég veit ekki hvað og hvað. Rootbeer Float er desert desertanna í landi tækifæranna, landi óttans og landi kvikmyndastjarnanna. Búin að feta í spor Swartsenegger í Hollywood og skoða Universal Studios, smakka dýrindis Pino Noir vín í Santa Ynez Valley þar sem vinir okkar úr Sideways áttu sætar og súrar stundir, sleppti því þó að drekka úr hrákaskálinni í þetta skiptið. Kom við á búgarði einskis annars en Andrews Firestone, bachelornum sem við féllum allar fyrir. Ohhh my GOSHHH! Alveg gorgious! Hitti hann reyndar ekki í eigin persónu en sá margar myndir af honum frá því í gamla daga og svona. Kiknaði í hnjánum. Búin að fara á ströndina líka, sóla mig og sörfa, Óli sá nú mest um það samt, eins og það sé honum í blóð borið sei sei já. Er ekki búin að fara á hjólaskauta ennþá reyndar en tók hjólatúr í staðinn. Já og gistum í danska bænum Solvangi þar sem æbleskiver og danski fáninn eru algjörlega inn. Bara eins og að koma heim. Kem samt heim heim í næstu viku. Sjöunda júlí. Ætla fyrst að halda upp á frelsi ameríkana á þriðjudaginn, andagtug og með auðmýkt í hjarta. Myndi fara á fyllerí á ströndinni berbrjósta ef það væri ekki bannað samkvæmt lögum. Óþarfi að láta stinga sér í steininn í útlöndum.

jæja, áfram með bjórinn og bíómyndina.

...

2006-06-13T21:59:00.000Z

Ég er komin úr sloppnum!

Í dag!

2006-05-18T08:11:00.000Z

Sit á sloppnum í eldhúsinu. Er á leiðinni að fara að skila verkefni sem er búið að taka allt of langan tíma. Þrjár manneskjur búnar að vinna að því í meira en tvo mánuði..með nokkrum prófum inn í milli svo sem. Frá morgni til kvölds og aftur morguninn eftir og fram á kvöld. Nafnið mitt var komið á dyrnar heima hjá hópsysturinni sem við unnum hjá. Það var tekið niður með viðhöfn í gær. Í dag munum við skila DEGI of SNEMMA! Ekkert meir á síðustu stundu takk fyrir!

Langaði bara að deila þessu með ykkur því ég er stolt af verkefninu mínu.

...

2006-05-15T18:33:00.000Z

Ekki á morgun, ekki hinn heldur hinn!

Læra Smæra

2006-05-04T22:18:00.000Z

Sko, ef ykkur leiðist lærdómurinn, fáið ykkur þá bara nokkur rauðvínsglös með. Það gerir lærdómsferlið einhvern veginn miklu skemmtilegra.

Læri læri tækifæri

2006-05-03T18:13:00.000Z

Æ er ekki nóg komið af lærdómi? Hvað varð um regluna að það má ekki læra þegar sólin lætur sjá sig? Var það ekki annars regla? Er núna búin með 24 tíma próf, 72 tíma próf og hópritgerð. Við tekur tveggja vikna törn í að klára business project og svo tvö munnleg próf..... og hverjum fannst það sniðug hugmynd að vera í skóla?

Jæja læri læri tækifæri, tækifærin munu vonandi hrannast upp að þessu námi loknu. Tja já sei sei. Ég hlakka allavega til að fara í sumarfrí sem verður með lengra móti nú í ár. Mánaðar hvíld frá amstri hversdagsins. Var einmitt að kaupa flugmiða til Íslands áðan. Þaðan liggur svo leið okkar hjúa til Kaliforníu þar sem við ætlum að hitta vini okkar Seth og Marissu og sleikja sólina á rúlluskautum í strengbikiníi og tralla með. Ekki amalegt það.

Svo er gaman frá því að segja að ég er búin að fá sumarvinnu í hinni dönsku hliðstæðu Rammagerðarinnar, var ráðin á staðnum því ég hef reynslu í bransanum sjáiði til. Spurning hvort það gengur jafnvel að selja íslenskar lopapeysur í 25 stiga hita í Köben eins og í hrollköldu sumrinu á Íslandi.

Jæja, bakk tú bissniss...

List

2006-04-11T19:56:00.000Z

Nýjasta listformið sem ég tjái mig með er uppröðun og ljósmyndun eldspýtna. Hér sjáið þið afrakstur erfiðis míns. Þetta verk kýs ég að kalla: Eldspýtur - svo miklu miklu meira!

Verkið var unnið sem innsetning á veitingastað á Jótlandi. Það er von mín að sem flestir fái notið myndarinnar hér á síðunni þar sem verkið fékk mjög litla umfjöllun í fjölmiðlum á Jótlandi.

HVAÐ VERÐUR EIGINLEGA UM ÓLA?

2006-04-06T23:26:00.000Z

Spennandi framhaldssaga með óvæntum endi....

....ekki missa af næsta þætti!

2006-04-04T19:31:00.000Z

Ég var bara að plata. Óli er ekki orðinn fiskur. Vona að þið hafið ekki verið mjög skelkuð.

Ég er hins vegar steingeit. Og steingeitur eru mjög jarðbundnar og vanafastar og vilja hafa hlutina í skorðum. Þess vegna mætti segja að það sé alveg kreizzzzí að ég hafi fengið bréf í dag um að umsókn mín um skiptinemapláss í Búdapest hafi verið samþykkt. Jahérnahér. Þá verð ég víst að fara! Verð að upplifa eitthvað nýtt. Kanna nýjar slóðir. Bæta við í sarp lífslærdómsins. Ó mæ god ég þarf að breyta út af vananum! Þvílík áskorun! Og það þýðir líka að ég þarf að taka toefl á morgun. Vona bara að ég sökki ekki jafn bigtæm og síðast....

yfir og út

Ólafur Fiskur Sverrisson

2006-04-01T00:41:00.000Z

Hann Óli minn hefur ákveðið að gerast fiskur. Hér sjáum við hann við æfingar og aðlögun á lokastigi breytingarferilsins. Óla verður sárt saknað í heimi mennskra en við verðum þó að virða ákvörðun hanns og styðja hann eins og við mögulega getum. Ég bið vini og vandamenn því um að hugsa til Óla á næstu dögum er breytingin mun verða að veruleika.

Þriðjudagskvöld

2006-03-28T20:54:00.000Z

Sit með bleikar neglur í lopapeysu og kalt á tánum og spáí í það af hverju himininn sé blár. Af hverju er himininn blár?

Langt síðan neglurnar mínar hafa verið bleikar! Spáiðí það!

Táneglurnar eru ekki taldar með.

Af hverju ætli maður sé annars með neglur?

Að þykja grænmeti gott er hugarástand!